ढंग

उनलाई हेरी म दंग
मलाई हेरी उनी दंग ।
रंगीदै रंगाउँदै
सप्तरंगी बन्यो ,
मनभित्रै मायाको रंग ।
दुइ कप कफी
बानेश्वरको क्याफे,
बिल हेरी क्यासियर दंग ।
नछोएर के भो र
मनमा त्यसै भाइब्रेसन हुन्थ्यो
हुँदा उनी संग ।
कल्पनाको हृयांगओभर
हेर्दा अंग अंग,
धत् , नराम्रो बानी...
भन्दा पो हुन्थे झसंग ।
कस्तो मिठो
गाली पनि मोरीको ।
अन्तरालमा भेटेँ धेरै.....
रिन्यू भएन क्यारे केही,
मोबाइलको रिंगटोन
..चलो इकबार फिरसे...
अजनवी बनजाए हमदोनो,
महेन्द्र कपुरले यत्ति भने।
भनेनन् कसैले,
सोधिएन कसैसंग
माया गर्न पनि
चाहिने रैछ ढंग ।।

No comments:

Post a Comment