म बडो 'कन्फ्युज' छु

हाँस्दा हाँस्दै
रुन मिल्ने,
रुदा रुदै
हाँस्न मिल्ने,
सजिलोपन !
मेघ गर्जिदां
बिजुली चम्किदा
टाँसिन मिल्ने ,
दर्केको झरिमा
ओत लाग्न मिल्ने
अली ठुलो छाती !
आफ्नो माया
देखाउन मिल्ने,
अर्काको रिस
पोख्न मिल्ने
'फ्लेक्शिवल' मन ;
देउताले बनाइ दिएको
आफुले मेहनतले भेट्टाएको
यो
छ फिटको ज्यान,
यस्तै यस्तै....
भन्थ्यौ तिमी
छाती माथि रुन्थ्यौ ,
कहिले ओठका
कहिले आँसुका ,
तातोपन ताजै छ !
अहिले ....
यो मोडमा
म बडो 'कन्फ्युज' छु
त्यो व्यङ्ग्य थियो कि
वास्तविकता !

6 comments:

  1. babaal bro
    i am also confused like that

    ReplyDelete
  2. हाँस्दा हाँस्दै
    रुन मिल्ने,
    रुदा रुदै
    हाँस्न मिल्ने,
    सजिलोपन
    साच्चै भनेजस्तो सजिलो छैन यो मन
    simple words bt powerful feelings...simply lovd it....

    ReplyDelete
  3. यि त सब भन्ने कुरा न हुन

    ReplyDelete
  4. hahaha.... tesbela bastabikta thiye holan....pachi byenga bane ;)

    ReplyDelete