आउ रोपाईं गरौं

आउ रोपाईं गरौ,
दबदबे हिलो नभएर के भो
आली र समाहा नभएर के भो
मनको बाँझो टारीखेत
अहिले अली अली भिजेको छ,
कयौं रातका आँशु साक्षी छन
आउ रोपाईं गरौं !
मायाका बिउ
छिप्पीसकेका छन
बिचारका ब्याड
किन जर्जर हुन दिने,
साउन लाग्ला भदौ लाग्ला
खडेरीमा गाह्रो हुन्छ फेरी,
म सम्याउदैं छु छेउ कुना
संगै रोपौ न है
आउ रोपाईं गरौं !

1 comment:

  1. i liked the poem
    as well as the comments
    both are superb :)

    ReplyDelete