कुरो अर्कै हुन्थ्यो !

असिना र पानी,
कहिले अङालो मार्दै
कहिले लात्ती हान्दै
कावा खाँदै हावामा
थकाई मार्न आईपुग्छन
कलिलो प्याउलिको कुमनेर !
अहँ ,
लाजले होइन यसपटक
कठयाङ्रिएर खुम्चिन्छे लज्जावती;
निथ्रुक्क भिजेका जोडी ढुकुर
गुँडमा कुरेका बचरा सम्झदै
प्रेमालापको भाव
के देख्लान खै ....
बर्खा हुँदो हो त
कुरो अर्कै हुन्थ्यो !
म डिलमा बसेर सम्झन्छु
फुसफुसे हिउँको तन्ना ओढी
तिमी हुँदी हौ त
कुरो अर्कै हुन्थ्यो ....
त्यही मात्र एक दिन थियो शायद
माघे झरिमा रुझ्दा
जाडो नलागेको  !
अहिले ,
यो एक्लोपनमा
चुर्लुम्म डुबाइदिन्छन मलाई
थोपा थोपा शीतले पनि !







4 comments:

  1. good ...keep it up...bhoowan...

    ReplyDelete
  2. Yes

    तिमी हुँदो हौ त
    कुरो अर्कै हुन्थ्यो ....

    ReplyDelete