देश फ्ल्याश- ब्याकमा छ !

मेरो शहरले आजकल
लालटिन बाल्न थालेको छ
नयाँ धारा हाल्दै घरमा
इनारको पनि तान्न थालेको छ |
फोन गर्दा गर्दै हैरान बाउले
आफन्तको हातमा
चिट्ठी पठाएछन,
सोचेँ ,
देश फ्ल्याश- ब्याकमा छ |
आजकल,
मैन बत्ती र टुकी  राम्रा
गाडी भन्दा पैदल छिटो
फोन भन्दा चिठी छरितो
किनकी ,
देश फ्ल्याश- ब्याकमा छ |
खोला जस्तै
ढलको घस्रदोँ लेदोमा
गोमा ब्राह्मणी र शिव शर्मामा कथा
सान्ङे हुँदैँ छन  ;
युवाहरुलाई मलेसियाको 'सुधारिएको भर्सन'
अमेरिका जानु छ ;
तला थप्न, गाउँका साहुका सुधारिएका भर्सन
बैंकको ऋण लिनु छ |
नेताका भ्रष्टचार,
शासकका लापरवाही,
ठुलाका  जगजगी
सबै पहिले जस्तै भ'का छन्
देश फ्लास- ब्याकमा छ !
देश चलाऊनेहरुलाई
गधाको पाउ मोली 
डाडु पन्यो साँट्नु छ 
यो पनि हुन्छ, त्यो पनि हुन्छ 
फेरी... 
सन्सदको नौटन्कीमा ढाँट्नु छ | 
वाह ! उल्टो घुमेको 
मेरो देशको  रिल ; 
म हेर्दै छु ,
कुन दिन यो
बिकासे सपनाको खोक्रो इन्द्रेणी 
'श्याम स्वेत' हुने हो .......



No comments:

Post a Comment