आँशु राखी मैले आजकल.... (Karnali mourns)

आधा पेट खाएर पनि
उकाली ओराली धाएर पनि
एक मुट्ठी अन्नमा सन्तोष गर्दा
रित्तो पेटलाई आदर्शले भर्दा
उपाय केहि नलागेपछि ,
ज्युँदो लास झैँ मरेको छु
आँशु राखी मैले आजकल
टुकी बाल्ने गरेको छु !

दश नंग्रा खियाउँदा नि रातदिन
हुदैनन तयार कोहि साथ दिन
परेलीका आँसु टप्कन खोज्दा
दुखमा अझै संघर्षनै रोज्दा
उपाय केहि नलागेपछि
'आदर्श'बाट तल झरेको छु
आँशु राखी मैले आजकल
टुकी बाल्ने गरेको छु !

हिउँ पर्दा , असिना खस्दा 
कर्णालीको यो पखेरोमा 
अनिकाल पस्दा 
इमान्दारिता सधै साथ राखी 
गरिबीबाट केहि उठ्न खोज्दा माथि 
उपाय केहि नलागेपछि 
घाउमा अझै नुन-चुक छरेको छु 
आँशु राखी मैले आजकल 
टुकी बाल्ने गरेको छु ! 




1 comment:

  1. आधा पेट खाएर पनि
    उकाली ओराली धाएर पनि
    --------------
    आँशु राखी मैले आजकल
    टुकी बाल्ने गरेको छु

    ReplyDelete