म सुक्दिन पिएर अलिकती !

उदेक  लाग्छ,
तिमी नियाल्छौ मलाई
लुकी लुकी,
'कट्टी कट्टी' गरेर
चाहे किन नजाउ,
'पर पुगेर' फर्किने गीत
मैले सुनेको छु,
ढुङ्गाको काप फोरेर
पिपल त उम्रन्छ,
ती घनिभूत याद
उर्बर प्रेम
किन नपलाउन्
स्‍मृतिको काँपबाट !
जरा कहाँ गाडीए,
हाँगा कहाँ झाङगिए,
वारी पारी
यतै उतै
यहीँ त्यहीं
ठीक छन !
कहिले काहिँ माया रोप्दा
घृणा पनि त उम्रदों रहेछ !
बिउ सायद
खडेरीमा पर्यो कि
माटो उस्तो थियो !
अब चिहाउनलाई छुट छ 
 झिँगटिका छिद्रा जस्ता
अनेकौँ द्वारहरु
तिम्रो मेरो बिचमा,
निस्फिक्री चिहाए हुन्छ
मन लागुन्जेल,
थाहा छ ;
तिर्खा त तिम्रो मेटिन्न
तर घाँटी भिजाए हुन्छ अलिकती !
म रित्तिन्न झिकेर अलिकती
म सुक्दिन पिएर अलिकती !

1 comment:

  1. आहा ! मिठो !!

    "तिर्खा त तिम्रो मेटिन्न
    तर घाँटी भिजाए हुन्छ अलिकती !
    म रित्तिन्न झिकेर अलिकती
    म सुक्दिन पिएर अलिकती !"

    ReplyDelete