भारी मन [#heavyfeelings]

कुनै कुरा,
चियापसलको गफ जस्तै
उठाएर छोडिदिन गाह्रो |
कुनै पिडा,
'एयरहोस्टेस'को हाँसो जस्तो
खिस्स टारिदिन गाह्रो |
'जीवन, एक सम्झौता', किताबमा मात्र पढेको 
तर आँफैले भोग्दा 
कुनै उपकथाहरु... 
आँफै बन्दा एउटा सानो पात्र, 
फिल्म हेरेर निस्केझै, 
खुसुक्क हल छोडिदिन गाह्रो | 
उँडाईदिन मिल्ने धुँवाहरु छन, 
घुट्क्याईदिन मिल्ने नशाहरु छन,
टारीदिन मिल्ने हाँसो,
लत्याईदिन मिल्ने जिम्बेवारी,
बिर्सिदिन मिल्ने जन्मदिन, तिथी, मितिहरु 
नदेखेझै गर्न मिल्ने कती द्रिश्य छन ; 
तर कुनै कुरा, साह्रै गर्हौ 
थिग्रिदिने मनको पीँधमा,
न ओकल्न मिल्ने 
न उँडाउन मिल्ने 
न बगाउन मिल्ने 
तर म प्रेम गर्छु...
यी सबै सबै भारी पार्ने 
सुन्दर अनी 'मिठो बोझलाई'  ; 
यसै होइन कहिलेकाँही
यो चङ्गा मन, 'भारी' भईदिने !



3 comments:

  1. film herera niskejhai
    khusukka hall chodedina garrho.....gudphrase

    ReplyDelete
  2. Tara ma Prem garchhu....dare to do yaar....stay ALIVE ! Nothing lasts forever :)

    ReplyDelete
  3. airhostess ko haso jasto
    liked that

    ReplyDelete