म गर्व गर्छु

म कति गर्व गरौँ 
मेरो देशको !
जहाँ गाउँका ट्रयाक्टर बलिया  
Cartoon: Uttam Nepal
उड्ने हवाईजहाज भन्दा ,
जहाँ नेताको संख्या धेरै 
'खाँटी जनता' भन्दा,
तैपनि म गर्व गर्छु साथी 
किनकि यी सबै मेरै देशमा छन् :
१५ रुपैयाको चाउचाउले
१५ लाखको घर दिने !
जुत्ता टल्काउन पालिस होइन 
'टर्च' उपहार दिने !
जनता-नेता ...
रहेनन कोही अब, 
फलामे छड 'इमान्दार' हुने |
कति राम्रो चलन, आहा !
देश बनाउने ठेक्का 
नीति निर्माताले होइन,
'सिमेन्ट कम्पनी'ले लिने !
चोर-ठगलाई जेल हाल्ने ?
धत् , त्यो उहिलेको कुरा...
मेरो देशमा नेता/पत्रकारलाई 
राख्ने अब जेल खुल्ने  !
उपभोक्ताले खाईदिन मात्रै पर्छ 
पाईखानामै सुन्दर 'मिठाई' बन्ने !
तैपनि म गर्व गर्छु ;
जे पनि बिक्ने मेरो देश !
मान्छेका सम्बेदना
नेताका नैतिकता 
बुद्धिजीविका बिचार
आफन्तका आत्मियता 
सबलाई प्रायोजन गर्न मिल्ने !
तैपनि म गर्व गर्छु साथी 
किनकि यी सबै मेरै देशमा छन्  
दुनियाँमा अन्त 
कहिँ नहुने कुराहरु || 

5 comments:

  1. म सुन्दर अक्षेरहरु खोज्दैछु ता की म यसको वर्णन गर्नसकु|

    ReplyDelete
  2. Babal! Babal!! Babal!!!! superlikes bro! :))

    ReplyDelete
  3. naitikta ko kura garne, ani beluka bideshi daaru sanga note le vareko suitcase ma tyo naitikta lai sutaidine, ma garba garchu mero desha mathi,देश बनाउने ठेक्का
    नीति निर्माताले होइन,
    'सिमेन्ट कम्पनी'ले लिने !
    yo line chai ali bises cha hai

    ReplyDelete
  4. ma kati garba garau mero desh ko......gud 1.

    ReplyDelete