याद


रुझ्नु
के छ र,
भोगाई सुन्दर त्यस पछीको हो !
पानी ओर्लने बाटो त्यस्तो
लगाम कस्ले लगाईदिने
यी बेइमान आँखालाई !
एक्स-रे मेसिन,
आँखामा हो कि मनमा ...
धत, मेरो सैतान मन !
मलाई बानी लाग्यो,
साँझको नशा,
बिहानीको परेड,
छत्रीले छोप्नु छैन
अब झरी मलाई,
नरोकिने फौजी पाइलाजस्तै भो मन
झिस्मिसेमै डाँडा काट्ने बेला
मानौँ घरकि अर्धाङिनीले भनोस
'छिट्टै फर्क है बिदा मिलाएर' !
टाढिनु
के छ र,
याद सुन्दर त्यस पछीको हो !

No comments:

Post a Comment