मौनता


मलाई डर लाग्छ
मौनताको हतियार उज्याउनेसँग,
मनमा  सिंगै मनसुन बोकि
भावमा शुन्यता देखाउनेसँग !
न म, 'दा भिन्ची'
न तिमी, 'मोनालिसा'
म के के अर्थ खोजुँ
तिम्रो अमुर्त कलाझै मुहारको ?
मलाई त देखाउनु पर्छ,
चलाऊनु पर्छ,
सुनाउनु पर्छ,
छोएर भन्नु पर्छ -
"यि, यता हेर" |
सुक्ष्मदर्शक छैनन आँखामा
न मनमा दार्शनिक गाम्भिर्यता
म कसरी थाहा पाँउ टाढैबाट कि,
तिम्रो मनमा के चल्दै छ ?!

1 comment:

  1. dammi.... likes a lot, specially
    man ma singai monsoon bokne kura

    ReplyDelete