हिंड, अलि पर जाउँ


दोधार नगरि दोबाटोमा
नापेका थियौ
४५ डिग्रीका कोणहरु
आँफैले रोजेको बाटो
उकालो होस् कि ओरालो
हिंडिएला जस्तो लाग्थ्यो
हार्नै लागेको युद्ध, अन्तरालमा
जितिएला जस्तो लाग्थ्यो
आफ्नै अङ्गरक्षकले
ढोका खोल्दा झस्किन्छ मन,
अब बहादुरी कस्को अघि देखाउनु ?!
भर्र्याङ् चढेर सातपत्रे सम्झनाको
उज्यालो खोज्दै छु म
उग्र खहरे ओईरिएर के भो
विश्वाशका तुइन तान्दै छु म
हिंड, अलि पर जाउँ
जहाँ तिमी तर्सिनु पर्नेछैन
शान्त देखिने 'ह्यालोविन'सँग,
अस्ताईदिउँला सुर्य, एउटा सिरानी मुनी
अर्कोमा हामी टाँसिएर !
हिंड, अलि पर जाउँ ||