दुख्ने चिजहरु

कहिलेकाहिँ लाग्छ
कागजकै बनाउँ दुनियाँ
कागजकै बसाऊँ घर
गुजुमुज्ज पारी कागजकै डल्लो
पोतेर रातो 'वाटर-कलर'
बनाउँ एउटा धड्किने मुटु,
टाँसेर खोटो टुक्राटुक्री 
जोडौं सम्बन्धको जालो |
कहिले काहिँ लाग्छ 
कागजकै बनाउँ आँशु 
अनि पोतौं कालो रंग 
स्कुले 'साईनपेन' ले |
तर समस्या सबै यसमै छ; 
ति सब दुख्ने चिज जति 
सजिब छन् !
अहिले हेरें ;
सानोमा बनाएको
त्यो सानो मुटु
खोबिल्टे आँखा,
च्वास्स दुख्ने, छिनमै रसाउने  
अहिले जस्तो 'धराप' थिएनन ! 


3 comments: